Day16 30/6/14

今天要搬走了。煩了阿TEL個frd兩個禮拜多謝晒啦~
先去埋付近一個叫四ツ木同立石嘅地方。
今次搭條叫京成嘅私鐵。(踩咗㗎單車出去點知冇得怕車！呢度好嚴㗎唔可以周圍擺㗎單車。
結果阿TEL扮食麥記擺咗喺人地度，希望冇事啦~)

 究竟有乜睇？
其實呢度真係冇乜嘢睇，但見世界杯打緊，就嚟睇吓足球小將嘅發原地。
但我話，日本輸咗啦喎。。-__-
阿TEL話，輸咗咪嚟悼念吓喎。

呢度係住宅區，嚟觀光嘅人可以話係0。(1如過計阿TEL)

呢個係日向小次郎，但其實我同阿TEL都唔係好識。

好多人綁咗d藍色縄喺佢手

冇人嘅公園任我玩

周圍都有d足球小將旗

其實仲有好幾個像㗎，但今日真係太熱，個地方又太大，又冇地圖，真係好難搵。所以搵到太空翼像就決定放棄。(講真之前喺hysan出面展出嗰d大好多！)

又有個寺

跟住就走啦，始終要搬屋執嘢。

好彩返到去㗎單車冇事！^^”

返去攞埋d嘢就走啦，屋主兩人都返咗工得阿TEL搬嘢，明明阿TEL都好乖呢2個禮拜都冇乜買嘢，點解個喼又閂唔道又重到死㗎。。攞住咁多嘢行咗20分鐘去火車站再搭50分鐘車轉1次車就到四谷３丁目。

好彩有人帶路，好快就到我地會住嘅大廈，今晚同聽晚先住住另外一個朋友嘅地方先。

夜晚一齊食韓國嘢！

好疲倦嘅一日。

要早d瞓啦聽日返工。

Day15 29/6/14 參加wedding

今日阿TEL朋友結婚呀！恭喜晒！
仲要喺日本結喎！點都要去啦！
阿TEL呢d適婚年齢，根本上個個月都有朋友結婚要去飲，實在有d麻木。但今次第1次喺外國飲，型式又同香港唔同，都有d期待！
噚日喺Shiseido Ginza 買完嘢，同佢講話聽日參加婚禮，服務員靚姐姐好興奮問阿TEL件衫會係點，個頭點set。。日本呢度d人去婚禮好講究㗎，除咗例牌30000yen+人情，仲要特登去set頭化粧，好尊重場面㗎。阿TEL就緊係冇林過要咁複雜啦！不過姐姐叫阿TEL聽日嚟幫佢化粧喎，咁又唔拘嘅 ^^
下晝1點幾又去銀座了，姐姐用了全套Cle de peau Beaute 條line嘅化粧品幫阿TEL化粧，哇！枝枝嘢都咁貴，阿TEL你就正啦。我林喺香港咁整法實好貴，但佢冇受錢吖！勁！

無端端有隻咁嘅貓喺個牌度

靚得好假嘅天同假日銀座

去咗銀座咁多次終於入咗Aberchrombie 啦！阿TEL買咗個袋好抵呀！

1060yen咋！

跟住去婚禮啦，第1次去呢個有錢人區咋，白金台。真係唔同d喎。

朋友是香港人，嫁的是非洲人，所意冇咗一般日本婚禮嘅拘緊，最過癮都應該係呢個超級國際化嘅賓客，香港，日本，肯亞，uganda，Sri Lanka，泰國，韓國。。。數唔晒，而最正嘅係，大家講流利日文！！

 好熱情嘅非洲賓客不停就出嚟跳舞！
個氣氛同香港好唔同！

<—我都同新人影咗相呀！仲問准佢地同意比我擺上嚟 ：)

有幾何去婚禮可以全部人一齊認相咁開心！                                                                            —>

夜晚食自家製壽司飯。

跟住玩整公仔！阿TEL第1次用嗰d羊毛felt吉出嚟。

似唔似Rilakuma呀！

左嘅阿TEL做，右嘅係版，阿TEL話佢d detail位跟得好足㗎喎。

今日好充實呀！   

Day14 28/6/14

首先，我要更正噚日講嘅嘢，原來日本係冇免費電視㗎，但d人對於交錢睇電視當係飲水咁自然啩 ^^"
好啦，咁今日我地又做咗d乜呢，機本上係之前都做過嘅 ^^"

1。Shiseido本店
點解又嚟呢？因爲上次嚟嘅時候阿TEL朋友留咗d特別set，上次靚姐姐幫阿TEL試完問佢有冇興趣，佢話有！結果都留咗1set比佢！？好啦咁，都有咁上下年紀嘅阿TEL終於決定洗少少錢喺自己塊面度喇。

即係咁嘅，買一枝嘢(上右)送8枝嘢，2塊mask，1舊肥皂又真係ok底嘅。

周末喺會封路嘅銀座

2。又跳舞

其實阿TEL真係冇林過再嚟，除咗覺得自己基本上已硬到冇得救之外，其實試堂呢d嘢當然只係得一次，第2次就一定要join course㗎啦，咁點解阿TEL可以試第2次呢，就係硬住頭皮扮第1次嚟囉  之後當然亦要好用心咁聽佢推銷，同好有技巧咁拒絕join啦，喺度咁短時間真係冇辦法喇，姐姐原諒阿TEL啦~

lunch食個檸檬yoghurt pie

3。買餸

去Tokyu買餸，哇人多到呢！！

買餸都pack到咁真係唔知讚佢講究好定唔環保

4。煮飯，sukiyaki阿TEL最鐘意食：)

我都學咗點煮啦！返香港整！

A5和牛！好底食！100g 730yen

Day13 27/6/14 亀有

住緊呢度同新宿差吾多一個鐘頭距離，呢度搭車又貴，趁未搬走之前去吓隔離個站亀有。
亀有係漫話「こちら葛飾区亀有公園前派出所」即係中文版「烏龍派出所」嘅舞台。
如過有一齣嘢令到一個地方好出名，日本通常都會喺嗰個地方周圍都擺晒佢d嘢，亀有都一樣啦！
「烏龍派出所」因爲剩係喺亞視播過吾知大家有冇睇過呢，link喺呢度—>烏龍派出所
内容係講呢個叫両律勘吉嘅有d懶又有d烏龍嘅警察嘅故事。
一出個站就有地圖攞，介紹周圍關於齣漫話嘅景點。最鐘意貯check point嘅阿TEL就跟住行晒佢喇。之前去Brussels都有咁樣玩過，去睇晒d璧話，嗰次真係行到死死吓！得閒整個special頁喺度show吓d相先：)

呢次輕鬆好多，d嘢其實都放得幾近。

就跟住呢張地圖

跟住就係搵晒14個人像！

呢個最難搵，竟然喺個商場入面

啱啱落完雨，搞到我隻腳濕晒><做model都唔容易

記得嚟之前阿TEL同個英國女仔傾偈，佢話好期代第時去日本因爲佢想像中東京係好似未來世界咁喎，其實呢道出奇地好多舊地方，呢道就係其中一度啦。d街同建築物都有d懷舊嘅feel。

街中間都有得祈福

話明亀有，周圍都有龜

仲有喇叭播住d舊歌

d嬸嬸就好優閒踩住單車去shopping

                                          有㗎真警車緊係要影吓！

 呢間香取神社又係一個重要場景嚟㗎

重要到有成塊板喺個神社入面介紹齣嘢，上面指住個天嘅両律像都喺呢度入面。

又係龜

                                     
行到咁上吓，竟然喺條靜到成條街都冇20個人嘅地方有10個人排緊隊食嘢！

其他嗰6個人排喺對面街。每次入4個。

究竟何方神聖！？阿TEL話一場嚟到不如都排吓喎。

因爲入面得8個位，而佢一定要4個4個咁入，所以都等咗9個字。

原來係食漬け麺嘅地方！即係有碗好濃嘅湯，自己浸d麵落去食。

呢度d麵好粗好彈，但d湯就好鹹喇。><

食完嘢咁飽去咗付近一個新開嘅大型商場行吓，入面個game centre竟然都係關齣漫話事，d職員仲要着晒警察制服！

咁又一日啦！

返去睇music station啦~

吖！好想講吓呢度d電視呀。

除咗呢度多香港好多個免費台就不在話下啦，但都想讚吓呢度d節目好有教育意義，雖然日本出咗名自我保護意識強，但佢地好鐘意搵埋晒d外國人上電視一齊講吓佢地國家同日本嘅分別呀之類，有會成日有d走訪世界各地睇吓唔同嘅民化呀，訪問嗰度d日本人等嘅節目，比係剩係食食玩玩，sell靚女嘅香港旅行節目好睇好多！！(仲可以學吓日文^^)

日文時間:

下町（したまち）:今日去嘅亀有係期中一個下町嘅例子。照譯嘅話會係downtown，但係並唔係咁嘅意思。喺東京江戶時代嘅時候，丘上嘅地叫做「山の手」，低咗嘅地就叫下町，淺草就係最好嘅例子啦。但除咗地理位置之外，下町通常亦係地位比較低嘅地方。