Day 4 18/6/14

今日屋主又請咗半日假同我地出去。今日一大工作係搵屋。
一早就約咗Leo Palace 嘅人去睇樓，Leo Palace 係一間提供好多小型apartment租嘅公司。日本同香港有小小吾同，d地產公司好多時直程係大地主，專租自己嘅樓出去。
跟住22歳嘅靚靚地產公司職員就開車車我地去睇屋。

呢間灰白間嘅屋就係啦！都算幾新起㗎！有20m2，即係成200尺，仲送樓上個loft！相入面嗰個係阿TEL個朋友，佢睇嚟都睇得好興奮咁喎。^^

由於係短租所以有埋電視雪櫃煮食爐，厠所分開沖涼房同洗手間竟然係日本租屋賣屋嘅一大賣點。我跟阿TEL去咗香港咁耐就反而覺得廁所同沖涼應該一齊喇。

跟住呀朋友返工我地又去行吓啦。

先醫咗個肚。

日本d奇怪三文治，入面夾咗薯餅。呢個午候の紅茶應該香港都有得賣，超好味！

之候行涉谷。

好心阿TEL等個呀叔走咗先影啦！

好啦，跟住我地就去咗三菱東京UFJ同三井住友銀行問吓開戶口嘅事。點知又係碰釘啦。

吾係要住址證明就要學生證！？搞乜不停問阿TEL攞學生證 ><

晒氣啦，不如行吓街。

阿TEL見到佢個偶像(嘅廣告)！開心死佢。好彩佢冇掹落嚟咁失禮咋。。

返屋企喇。。乜都做吾道，連行街嘅心情都冇乜。

返到金町駅、行返屋企條路明明得20分鐘，點解行咗個鐘！！阿TEL死吾認檔失路，仲比佢搵道d廟影吓相。

最後好在有google map同gps先搵到路咋！

呢個都係平時我地旅行得多嘅智慧：) 去旅行如過冇wifi都用到gps，但就睇吾到個地圖，即係冇用啦！其實除咗有d apps有gps 地圖比人download定，google maps都得㗎，只要你事先search吓你會去嘅地方，再輸入"ok maps"就可以load定個地圖，offline都會用到！

夜晚食番噚晚剩返嘅飯。本來林住叮吓就咁食啦，掂知屋主個日本老公吾比咁求其(-__- ”)

整成咁。。

阿TEL好心你學吓人啦！

又係教日文時間！

整戶口原來叫

「口座（こうざ）を開く（ひらく)」 而吾係 「口座を作る」