Day47 31.7.14

今日本來係冇乜特別嘅一日，但由於馬來西亞朋友就走，阿TEL應承咗要請佢食番餐。但因爲今日阿TEL要上堂所以決定係屋企整喇。
從來都唔認唔食煮嘢食但又從來都唔煮嘅阿TEL終於發工，整咗啲似模似樣嘅嘢出嚟比人食，仲得到朋友嘅稱讚，總算過關啦。

啲矮瓜咁平食多啲！

都有兩餸一麵

漁香茄子同炒雜菜

仲有杏仁豆腐(買的)+生果。而家係食桃季節，超甜：)

Day46 30。7。14 Tokyo dome city +

今日係馬來西亞朋友最後一日返工啦。>< 識咗佢唔長時間但阿TEL同佢都算幾friend，而且同聲同氣講廣東話，又日日一齊行返工，好唔捨得佢走呀。

馬來西亞朋友請飲嘢：)有呢啲舗頭喺醫院真係開心

最後一日一齊食晏，大家一齊唉咗外賣。超級好食嘅生果burger！

阿TEL嗰個係蘋果burger

老細呀，我唔係包嚟㗎！><”

又多汁又甜好好食呀 ，不過成1300yen一個@_@！

不過有人請！哈哈！

放工去玩！

之前去佢屋企玩押花嘅夫人送咗啲飛比馬來西亞朋友，佢就戴埋我地一齊去玩啦！

首先又睇夜景先。

呢度係政府大廈，免費上嚟睇景㗎，如果大家唔想比錢上啲塔頂可以嚟吓呢啲地方，呢度係個叫「後楽園」嘅地方。

見唔見啲機動遊戲呀！我地一陣會去玩㗎！ 

嗰枝凸起嘅就係sky tree啦！

 好啦，去玩啦！Tokyo Dome係一個好似紅館咁嘅嘢，坐到50000-60000人，但除咗呢樣嘢之外，佢付近有shopping mall，遊樂場，酒店之類，就算唔係睇con都大把嘢做㗎！
阿TEL之前嚟過睇演唱會，但就冇睇過付近其他嘢喇，原來有啲正嘢都唔知。

免費遊戲券6張

呢度好多室外餐廳好relax㗎。

我地玩咗呢個好恐佈嘅過山車！高度去到80米，有80度嘅斜度。超恐佈！><

雖然未必比得起富士急ハイランド嗰啲去到120度斜角嘅過山車，但呢個喺正市區，如果大家嚟開東京又冇時間去到山梨縣不防嚟呢度玩！

呢張睇到個超斜位。

晚飯又食冷麵！中華冷麵！

朋友叫嘅拉麵都幾特必呀，係個鐵板燒完啲麵再林啲湯上去。

咁又一日啦^^阿TEL話返工嘅日子都可以咁開心真係好喎^^

緊係啦你，根本就係日日林住玩！

Day45 29.7.14

 阿TEL已經完全迷上咗素麵。佢嘅麵幼幼咁，食落冇蕎麥麵咁實，吸汁又好啲，超好食喎。
喺便利店買一盒要350-400yen，所以阿TEL決定自己整。
喺100yen店買埋個盤同隻碗仔喺屋企食都咁有風味喎。
記住素麵嘅汁同蕎麥麵嘅係唔同㗎。通常食法係加好多蔥同姜蓉。

Day44 28。7。14

放工後阿TEL又約咗喺Berlin識嘅日本女仔去玩。今次朋友話帶我地食廣島燒餅喎。走咗去個叫神田嘅地方，同事話比阿TEL聽呢啲係舊區嚟㗎喎，去到之後又真係幾舊喎。
一場走去神田，間嘢竟然冇開！
間嘢星期日已經會休息，星期一又休！咁爽！
結果我地求其入咗間燒雞店。

點知誤打誤撞入咗K8嘅大倉忠義嘅爸爸開嘅連鎖燒雞店！

唔係乜貴嘢，味道ok啦

呢個芝士mochi超好味！

Day43 27.7.14 山形料理

今日結果阿TEL都唔係太舒服所以就流咗係屋企喇。
但夜晚都係出咗去食好嘢㗎！
今次試山形食物！

前菜。好難形容山形料理有乜具體分別，但同平時食開嘅日本嘢係有啲唔同㗎。

呢個魚上面有啲好似果仁咁嘅醬

呢個刺身就一樣味

最後呢個炸魚超好食！

z

經過間書店K8做封面嘅雜誌有成行！俾着係以前嘅阿TEL實買起馬幾本，好彩佢終於明瞭呢啲嘢真係又晒錢又阻掟。係度睇完就算啦。

Day42 26.7.14 隅田川花火大会

又有花火大會啦！今次係全東京最大型嘅隅田川花火大会，每年都有成100萬人會參加㗎。
呢度啲花火大會除咗之前提過嘅會有小食檔，遊戲攤位，啲人會着浴衣，會霸定位喺地下一路野餐一路睇之外，就係會放成個鐘㗎喇！真係睇到你頸都痛！

阿TEL朋友買咗大大粒嘅八爪魚圓食！不過都係自己整嗰啲好食啲。阿TEL本來好想買個八爪魚圓機返香港整㗎，但係日本個電壓唔同香港，用唔道。><"

見道呢間嘢好好食咁！但林住行多陣先買，點知就搵唔番啦。。。

live music都有

睇啲人坐都成地都係

呢度好近sky tree㗎，一陣放煙花就會有呢個背境！

 結果都係掛住呢間嘢，兜返個大圈返嚟買！正呀！

呢度啲刨冰真喺麻麻地，得糖水味同啲好大粒嘅冰。

開始啦！頭先米話呢度放成個鐘煙花嘅，其實佢地一下一下咁放，所意鐘意炮丈咁「baan baan」聲咁連放煙花嘅人可能覺得有啲悶㗎，呢個可能就係香港鐘意爆同日本人鐘意細水長流嘅分別之一。

的確冇香港個啲咁吓吓bing bing baan baan

拿拿，sky tree 呀！

影道啦！我同煙花同sky tree！

窿窿罅罅都攝咗人喺度睇。

趁啲人未走好走啦！唔係走唔道！

教日文時間:

1。刨冰叫  かき氷　（kakigoori)

小記;阿TEL返到屋企之後嘔呀 >< 除非一罐生果酒都令佢嘔，否則就係個 かき氷啦。所以呢度奉勸大家唔使試啦呢度啲刨冰，呢樣係一樣香港好味好多嘅嘢食！