Day 3 17/6/14

第3日做咗咩呢。平時去旅行日本一日應該做到好多嘢。
但阿TEL就真係見身郁吾見米熟。(-__-" )

今日屋主請咗半日假話陪阿TEL去出電話，先影下行出去電車站d景。

呢d地方真係好居住型，大家平時去日本應該吾會去㗎。

去到涉谷等個朋友緊係要先同ハチ公影幅相先。

然後去食拉麵！

其實喺日本間間拉麵店都有自己特色，間間都幾好味，呢間就有蒜頭蓉同泡菜食。啤酒係阿TEL個朋友要飲嘅。果然係完全融入日本生活。晏晝就飲酒！

本來話要陪我地去整電話嘅屋主，最終敵吾過想shopping嘅慾望，帶咗阿TEL去銀座shiseido本店。佢成日話喎，阿TEL樣又殘，冇人冇物好吾掂 (> <”) 要改做吓。

講真吖，乜都有嘅人冇咗嘅咪係自由囉！(我d想法都開始受阿TEL影響。。)

卒之就去咗間本店，憑住之前個朋友去嗰度一次買咗100萬yen嘅嘢！有個靚姐姐特登嚟招乎我地，仲戴我地去3樓個超高級嘅地方。接受皮膚測試。

其實吾影得相，阿TEL偷偷影咗張。

shiseido有好多條line，呢條叫 Cle de peau Beauty，話係最高級嗰條，勁過SK II咁話喎！我就聽都未聽過喇。結果阿TEL做咗個皮膚測試，攞E！都叫佢平時吾好咁懶㗎啦！d嘢鬼咁貴，好彩冇比人迫買嘢，仲送咗一大堆sample比阿TEL！

個懶鬼會吾會用呢。。。

之候去咗睇咗個Sharehouse，係朋友個老版擁有㗎，係麻布十番，貴價區。

天台個景吾講得小！

之後佢老版仲請我地食飯。

阿TEL個朋友不停話喎，一早叫阿TEL着得靚d，計我話，嗰個老版50幾歳人咁多錢一支公，即使係毫無吸引力嘅阿TEL都係小心d好，着咁靚容乜易比人溶咗！

結果食咗d普通嘢啫，好彩吾係超貴嘢，吾係又欠人人情。

教日文時間！

日本食拉麵通常有得揀濃味倓味。佢地呢就吾係叫「濃い」同「薄い」

濃 係叫　「こってり」 Kotteri

倓 係叫    「あっさり」assari

最後幅相嗰個叫 釜飯　（かまめし），所有用個 「釜」煮嘅食物都叫呢個名，吾一定係飯㗎！