Day78 31。8。14目黒

今日阿TEL同yoko嚟目黑區食嘢。

點解會嚟呢度呢，因爲呢都係好多好多明星藝人住嘅地方，簡單嚟講即係豪宅區啦！仲要加上上次阿TEL同個住係目黑嘅女仔傾偈嘅時候，佢話佢喺呢度撞過赤西仁同黑木美沙！！

\(O^O)/……OMG！！想撞下星嘅阿TEL就嚟咗呢度嘞。

外貌好似好平常

但冇端端有間Exile嘅office！ 唔知大家識唔識Exile呢？基本上係一隊有如AKB48咁

多人嘅group，但入面得2個人唱歌，其他喺後面跳舞，今日我地唯一撞到嘅「星」就係Exile

後面嗰啲名唔係好知嘅黑人dancer嘞。(好過冇啦~)

比起似香港本山啲豪宅區，呢度似一個好靜同好多小品店嘅地方多啲。周圍冇好

豪華嘅大廈，反而有呢啲好有品味嘅咖啡店。

yoko話呢間食素嘅店都好多藝人會嚟㗎，咁我地又試下運氣啦~

                                       

順便介紹下呢位yoko小姐啦，25歳獨身嘅佢同阿TEL一樣，成日掛住儲錢去旅行，

唔同嘅係佢同好多日本人一樣去嚟去去都係歐洲。

夢想係係歐洲有段奇妙嘅相遇，跟「外人」談戀愛！(外人喺日文係外國人咁解) 

超健康嘅lunch！

好有feel呀~

真係唔似豪宅區哩，可能似London多啲，啲氣質唔錯。

冇見到其他名人嘅我地，食完lunch就同yoko散band啦，因爲阿TEL要睇日本テレビ每年一度今次由関ジャニ∞主持嘅２４時間テレビ！！！ ！

點知返到去完咗阿TEL想睇嗰段。。。

24時間テレビ，阿TEL夜晚又挨唔道夜瞓着咗，今朝又起唔道身睇呀亮出嚟嗰段 (O__O")，返嚟又遲咗。。基本上就係miss晒咋嘛。。。唉。。

Day77 30.8.14 吉祥寺

點會有一大堆相但唔邊日影㗎呢，
唉。。終於塞番arm位啦。
呢日同新子太太去吉祥寺。呢個地方係而家啲日本女仔最想住嘅地區，但我地竟然一次都冇去過！新子太太邀約我地去街咁就去呢度啦！

吉祥寺！

                                     

出站行幾步就係商店街啦！背後呢間排晒隊埋薯餅㗎！

果然係女仔鐘意住嘅地方！好多嘢買！

啲街好乾淨呀~

                                     

又係好多品味小店

阿TEL見道佢㗎dream car！！Oxford green 嘅mini！我都好鐘意呀

阿TEL快啲買啦！

 

英國旗都好靚呀~

 

仲有得試坐！

繼續行。新子太太超鐘意行㗎，一日話要行朝超過10000步。我地一定奉陪！

嘩！原來又呢度去三鷹美術館都得㗎！去睇下先

只可以睇出面咋，呢個美術館係唔接受即場買飛㗎，

一定要預約。

據聞呢個係宮崎駿先生爲咗參觀嘅人可以舒舒服服咁睇嘅原因。所以有錢都唔賺吖！

格離係 井の頭恩賜公園、好大好靚㗎

                                      

入面又有個神舍

財神！！！要！

竟然可意咁近同蝴蝶影相！因爲嗰堆甜籟籟嘢吸引住啲蝴蝶咋

公園有個好大嘅湖

繼續行。有啲人係道擺賣。呢啲花瓶全部係伯伯用樽口做㗎。

仲有人講故添！

用呢啲超大版嘅漫話書

有人摟波波，近期大hit嘅Olaf都有

離開公園有條小街好多靚靚嘅特色小店

終於食飯啦！新子太太係沖縄人所以戴我地食沖縄嘢~！好味呀！

好好feel嘅舗頭

(新子太太請食！)

話咁快5點令，受咗新子太太嘅恩，想請佢飲嘢，但結果又比佢搶先。

佢話内山先生(佢老公)比定錢佢吩咐佢要請阿TEL因爲佢仲係學生喎~ 6__6“ 超齢學生？！

6點幾新子太太要返去煮飯比屋企人，我地都要返去啦。因爲阿TEL要睇24時間テレビ，今年由関ジャニ∞主持喎！

Day76 29.8.14 新朋友 +秋天鄉土料理

我知啦我知啦，而家已經係12月啦麻。。仲寫緊8月啲嘢我都覺得有啲過份嘅。。

但咁先test道我啲記性有幾咁好嘛！

好啦我唔狡辯啦。快啲將勤補懶 ^__^"

今日第一次(亦都係到12月為只唯一一次)，阿TEL參加咗啲meet up group嘅活動，主要係日本人同外國人語言溝通連習。

其實都幾好㗎，俾少少錢大家分擔租場費，然後大家就作語文練習。一半時間講日文一半講英文。

喺嗰度見到個嚟咗日本成30年嘅美國人，佢已經係度買晒屋札根，(雖然冇同日本人結婚)，所以都係得個叫「長滞權」嘅嘢，繼續係2等公民。佢仲話，如果佢離開日本長時間就會攞返呢個權㗎！(睇嚟阿TEL都係冇望㗎啦~) 最攪笑係住係「一軒屋」即係自己一間屋嘅佢，都話屋企細！跟住佢就係部laptop show我哋睇佢係美國嘅屋，基本上係一大大大笪地，仲有啲鹿走嚟走去！！O_O！。。。呢啲咁嘅地係香港根本就係交野公園嘛 >< 

阿TEL仲識咗嗰日本女仔 Atsu ，一齊去食飯。

唔好問我呢個乜嚟，因爲咁證明你冇聽書呀，呢個係去東北之旅介紹過係秋田男鹿半島嘅なまはげ 鬼。

上次得我同阿TEL去秋田冇機會入餐廳食返餐正中鄉土料理，今次食返！

 想介紹下呢碟，上次都講過秋田嘅米燒。きりたんっぽ，呢個都係，但就變咗種，搵塊肉包住上面加啲面豉。好食呀！

                                                        呢個燒玉子，一個字，超甜！

甜品好似creme brulee，但入面都係有秋田米㗎！！！

講開又講呀，不停有人問我呀TEL有冇識番個日本仔，我可以代答係冇㗎。

點解突然咁講呢，因爲同Atsu食食下飯佢就嘆氣話「なかなかいい出会いがないなぁ～」即係，「唉~就係冇識到啲乜人呢。」

原來Atsu好努力參加好多活動想識番個男朋友。學英文係其次！今日緊係都冇乜好人所以逼住識咗阿TEL哈哈！ *_* 個樣好後生嘅Atsu 着住長牛仔褲，T恤，波鞋，不施脂粉。同一般日本女仔係有啲分別，但詳細望多眼，根本就同阿TEL一樣嘛！仲要係成日一個人去旅行嗰種添！ Atsu望望阿TEL，得出嘅結論就係「隙間はないからね。」

原來如此！

Day75 28。8。14

阿TEL煮嘢越嚟越叻 <— 佢逼我講㗎  (=_=")

不過知要用日本彩料，唔知點解亂整都似日本嘢

啲飯亂咁搓兩搓就會變飯團！！

搞都阿TEL以爲自己好醒飄飄然 ~_~

Day74 27。8。14

終於要自己煮飯。

Day73 26。8。14

又有免費飯合食！

日本啲便當真係整得好靚，好似藝術品咁

仲要好好味！

香港啲碟頭飯，發保膠飯合之類應該會嚇親啲日本人。><"

Day72 25。8。14

加油呀！繼續寫！

        

呢個超靚嘅便當阿TEL就緊係唔會買啦，咁貴，平時盡量都煮啦。

但啲藥廠送勁多過嚟！多都可以戴返屋企做晚飯。

Day71 ２４．８．１４ 箱根DAY２

続き！

一早起身緊係食個大早餐

呢度如果好天都睇到富士山㗎。

又坐纜車

今日嘅路綫，由藍圈開始

先去個叫強羅公園嘅地方

再搭吊車上山頂！大涌谷！(綠圈)

真嘅富士山頂！我都上咗啦！

呢啲黑色嘅温泉蛋好出名㗎！話食一隻可以長7年命！阿TEL食咗2隻！佢話多咗14年比佢喪去旅行！

呢啲人喺度整緊啲蛋

去紫圈，芦ノ湖（Ashinoko)坐海賊船！

呢個係乜嚟！？原來Doraemon有個博物館喺箱根，嗰陣因爲Doramon 100周年有個stamp rally，喺箱根唔同地方儲齊啲印就攞道呢set files㗎啦！

                                     如果好天喺個湖會見道富士山㗎，可惜唔好天啦

搭船去到對岸都有好多嘢睇㗎！呢個叫関所嘅地方係以前好似警署嘅地方，會防守同觀察對岸之類。

有啲假人扮番以前啲樣

雖然唔好天但都好靚呀個湖！

呢啲種滿高高嘅杉木嘅路日本真係唔少

食嘢！超清淡但超好食嘅桜海老蕎麦

跟住就坐巴士返去起點箱根湯本駅返屋企啦~

  

咁岩撞到溪邊開燈！好靚

最後的留影 ：)

有山有水，箱根係個好地方！