又有一排冇update啦~睇嚟我地返香港前係寫唔完㗎-__-"
不過都努力吓啦~
9月14、15日，阿TEL同兩個德國朋友同個日本朋友去日光玩！日光喺栃木縣，距離東京都2個鐘度，嗰度嘅日光東照宮都登陸咗世界文化遺產㗎！(日本人對呢樣嘢好緊張㗎，成日都見到啲爭取緊登榜嘅景點)。
我都有朋友一齊去㗎！日本朋友嘅大笨象！聽聞係德國某出名
卡通片嘅角色嚟。
嚟到呢度已經lunch time啦，醫肚先
日本綜
呢度出名食腐竹，叫湯葉（ゆば），呢碗其實好普通嘅拉麵加咗腐竹就係特色！
食完嘢就去攞車啦。呢度其實好大(應該話成個日本都好大)除咗喺市區可以好似香港咁淨用公公交通工具，好多地方都好唔方便，例如一個鐘得一班車之類。阿TEL雖然有車排但仲係P牌攞唔道國際牌，而且根本除咗考車都冇揸過。兩位德國人雖然有揸開車但就冇換牌嚟，只好靠個日本朋友。^^
先去呢個杉樹道吸收靈氣！
呢兩日幫我地揸車嘅Akiko，佢講德文同英文都嘞嘞聲㗎！
同幾位新朋友影相~ :)
之後想去東照宮，但呢兩日係日本嘅3連休(お盆），所以超超多人去玩，條路塞到去唔道，結果我地唯有調頭去第2度先。
結果有啲遊車河feel，先介紹吓呢條叫「いろは坂」嘅上山路，同下山路夾埋總共有48個急灣，絕對可以用嚟拍頭文字D嗰種路。甚少揸車嘅akiko同我地一樣咁驚！
上由官方網站借來嘅圖。呢度—>
原來都係一個景點嚟㗎！
不過啲景真係好靚
仲有位停下睇景，途中仲見到猴子！不過影唔切
到啦！睇瀑布！
又醫肚
華嚴の滝
冇啦！4-5點一般都再去唔到邊度，所以去今晚嘅温泉酒店。
栃木有好多出名温泉鄉，鬼怒川温泉係比較出名同易去㗎因爲有火車站。
但我地去第2個，有車嘛！
有個地圖好解啲，先係紅圈落火車攞車，去杉並木，再去9曲13灣車路上山，去華嚴の滝睇瀑布，跟住去湯元温泉過夜。去温泉中間仲可以睇吓啲湖景。:)
又係大食嘅時間！
跟住又浸温泉，呢種旅遊方式真係幾多次都唔厭~！
沒有留言:
張貼留言