第2日
一早起身有靚景
自助早餐 :)
外國人真係外國人，食pancake仲落超多朱古力醬！
出發！今日去戦場ヶ原同付近，呢個係一個平原，好多原此山路，森林，溪，瀑布。
有時間可以行足一日。
周圍都係瀑布都唔知叫咩名啦
呢度有「熊出沒注意」標記。呢度欄住嘅地方就更大機會有
熊，但係係可以行入去㗎，只係唔比佢出嚟咋。
我唔講咁多嘢啦，睇相欣賞吓啲景啦~
龍頭の滝
行行吓去咗個好遊客位。
好啦行返入個森林先。呢度先係個戦場ヶ原，點解叫戰場呢。
唔係因爲以前喺呢度有人打丈，係神話入面啲神喺呢度打丈啫 (^_^")
見唔見呀！熊呀！真係有㗎！！！其實應該好驚同即刻走㗎，
但因爲佢係小熊同喺個溪對面，所以啲人聚晒喺度睇。
有啲遠又好多樹同葉，都唔係咁睇得清。
原來熊扒樹好快㗎！
栃木啲熊叫ツキノワグマ(tsukinowa bear)
一般由1m至1．5m，~120kg
其實我地真係好好彩，雖然周圍有牌提醒大家有熊，真係見道冇好難。
仲要有段時間隻熊扒咗上樹好耐睇唔道，好多人都放棄冇等。
之後隻熊去瞓喱咗入啲草睇唔道囉~
所以呢啲牌係真㗎！
跟住去湖邊食晏
好有情調嘅小餐廳
緣結嘅木！？我同大笨象 ^^
今日終於去到東照宮
呢度超出名嘅三猿
「見ざる、聞かざる、言わざる」我唸香港人都明喺乜㗎啦。
有人結婚，係好傳統嘅日本婚禮。
返歸啦。買個湯葉駅弁當晚飯係火車食:)
拜拜啦好靚嘅日光~
沒有留言:
張貼留言