Day10 24/6/14

已經嚟咗10日！！時間過得真係好快！
如果要我形容阿TEL而家嘅生活，可以話似一個退休呀伯，或者一個冇仔女嘅家庭主婦(-__-”)
今日落雨落得好勁，有地方仲落箔添。
下晝終於等到停雨，我地就踩單車出去逛逛喇。又係開住個google gps就行得啦！
今次去咗水元公園，近排係葛飾菖蒲祭り（あやめ），即係Iris嘅花

坐單車後面

天氣嘛嘛地，仲有少少雨

呢d就係iris，我都係第一次見，不過已經謝謝地。

又係冇乜人嘅地方

刻埋Iris嘅圖㗎

點解成張都震晒><

好舒服呀。不過成日都見吾道人點學日文吖。。><

做嗰少少運動就話要食個杯麵喎，會吾會變肥婆返香港><

今日嘅日文時間:

1。食飯時後嘅餸叫做 おかず

2。付け 卸數咁解

------------------------------------------------------------------------------------------------------------
今朝阿TEL知道咗個好吾開心嘅消息。
尋晚一個叫丹丹嘅小朋友過咗身。呢個小朋友得4歳，患咗癌症，仲要比大陸嘅媽媽拋棄咗。但丹丹好生性，努力接受治療，好聽話，好少喊。可惜最後都醫吾好，丹丹亦都越嚟越辛苦。佢最後嘅願望係去海洋公園。當時阿TEL知道咗佢嘅願望覺得佢真係好傻女，這個願望成真基金幾乎係十麼希望乜都可以成真㗎嘛，緊係望大d啦，但後尾知道原來係因爲丹丹以前同屋企人去過海洋公園，一定係因爲嗰時係佢一生最開心嘅時候喇。。佢越嚟越差再入院之後阿TEL都驚佢會去吾道，摧過願望成真基金快d安排，可惜天意弄人，安排咗喺今日去，丹丹尋晚就過咗身。..-____-...
人生真係好奇怪，吾知點解有d人有好多嘢，有d人就乜都冇。大家亦都吾會知而家擁有嘅嘢幾時會無，包括健康。阿TEL雖然稱吾上靚，又吾係有錢，但總算健健康康，仲可以實現自己嘅夢想嚟日本生活吓，佢真係覺得好感恩。呢件事除咗令阿TEL更覺得想做嘅事就應該要落實去實行之外，就係明白到可以幫人而吾係要人幫係幾咁幸福。
祈望去到天國嘅丹丹可以脫離痛苦，過番d小朋友應該過嘅開心生活。