先寫咗呢個先，唔係我會唔記得啦。
今日好開心呀，識咗個新朋友！！呢個係阿TEL第一個韓國朋友！
一早我地就同馬來西亞朋友一齊去台場啦。呢個韓國朋友之前都嚟過間醫院學嘢，識咗馬來西亞朋友，喺我地嚟之前佢就走咗啦，不過通過馬來西亞朋友我地就認識咗啦！
3個不同國藉嘅人加一個Wataru，大家用唔鹹唔淡嘅日文交談，過咗開心嘅一日。
首先去台場呢個專比外國學生住嘅mansion
希望各位香港朋友睇完不要太羨慕or傷心。
得到韓國朋友同意，我地要公開呢間靚屋嘅相！
呢道有800幾呎(實用)，向海，好天睇到富士山。行路距離去道幾個大型商場同富士電視台。
大概30分鐘到市中心。
呢個騎樓係可意晾衫，睇書，燒烤都得嘅size
闊落大廳
書房都向海
超大厠所浴室
係米好正呢！呢間咁嘅屋係香港一定豪過好多豪宅！
但呢度嘅租金只係。登登登登！65000yen！！即係5000港紙都唔洗！係唔係羨慕死人呢！
咪成日以爲全世界嘅大城市都要忍受貴屋同細樓！即使係東京咁嘅大城市，啲人係生活得好有尊嚴㗎！劏房呢啲嘢，係冇㗎。當然，東京比香港大好多，但香港真係唔係幾正常咧。。
阿TEL嚟到呢度識咗好多人，佢地就算唔係高薪厚職，大家安守本份都過得好好。好似阿TEL個前屋主個老公個細佬，25歳，冇家底，揸宅急便啲貨車，已婚，有3個小朋友兼剛剛起咗間屋。呢啲嘢，係香港做咩工先做得到呢。所以呢道啲人唔會成日覺得自己份工唔好啦，唔會成日不滿生活狀況，唔會覺得啲嘢係遙不可及啦。
當然，呢度係學生先住得，所以係有啲優惠啦。而且仲係外國人先住得！
韓國朋友係韓國讀完醫，做咗2年intern，就跟咗佢嘅忽然戚起條筋想嚟日本讀牙科嘅老公嚟咗呢度。呢年韓國朋友就剩讀日文林住考日本個醫生牌啦。
講咁多嘢，食啲嘢先。
靚靚韓國朋友大埋肚添啦，做少奶奶，真爽。
傳統韓國餸，名全部唔記得
貌似韓國明星嘅韓國朋友老工整緊嘅就係。。。
パッピンス pa ping su 啦！
我好辛苦咁記咗一個韓國食物名！
ping 呢個字係韓文嘅冰，同中文好似㗎！大家近住就傾吓中日韓語文嘅相似之處，真夠學術。
唔講啦，出去玩！
我喺度㗎！
one piece！！！
好大碗拉麵好多蔥！
落好大雨呀，走啦！
沒有留言:
張貼留言