Day19 3/7/14

噚日請咗日假搬屋之後阿TEL又返工啦。

朝頭早嘅工作大至一樣啦好似，都係round，但全部日文又講得快又係專有名詞阿TEL話真係唔知佢地講緊乜，但啲人真係好好呀喎，又會之後再用英文解一次俾阿TEL聽，又教佢嘢，阿TEL話佢覺得呢度啲人好似冇咁忙所以可以慢慢做好啲嘢，冇咁趕頭趕命喎。

最驚鴉嘅都係兩個養到肥肥白白嘅22周bb，好犀利呀！22周喺香港大概出世之後都唔當係人仔吖。拿，有冇計錯數我冇查啦，但出世當真得400幾gram，都唔係講笑㗎。

Supervisor中西先生話，喺日本搬完屋要食蕎麦麵，嗰吓咬斷啲麵有「新開始」咁解。

所以阿TEL晏晝食呢個。

講開又講，日本人真係唔係特別話一定要食熱嘢，佢地呢度大部份人lunch都係買呢啲凍嘅便當食，當然話可以叮番熱佢，但啲人通常都凍食，食開包嘅阿TEL就話好慣喎哈哈。

下晝阿TEL同啲醫學生一齊上堂，

呢度係日本唯一一間嘅女子大學，而且係一間私立大學，讀一個6年嘅醫科學位要3500萬yen，所以讀得呢間學校嘅人非富則貴，個個學生攞名牌袋，著靚衫。

唔好話俾唔起咁嘅錢啦，仲要係超齢兼日文咁差冇可能考道，所以可以上呢啲堂嘅機會簡直係林都冇林過！雖然，其實同以前上堂唔係話有乜大唔同(除咗語言)但阿TEL話呢種好似去咗另一個時空嘅感覺太特別咁話喎！

偷拍咗呢個件超珍貴嘅回憶。

拍吓病房出面啲7夕裝飾

                                                  病房就差唔多樣喇

呢度返工時間都唔短，由8:30到6點+，仲長過阿TEL以前，好攰呀喎。

夜晚都係食住便當先

教日文時間

1。systolic blood pressure 　収縮期血圧　（しゅうしゅくき　けつあつ）

2. diasolic blood pressure　拡張期血圧　　（かくちょうき　けつあつ）