Day35 19/7/14 足立花火大會

今日夜晚會去參加花火大會！一到夏天日本就周圍都會有祭り、花火大会，個個禮拜都有！大大小小，有啲會好多攤位賣嘢食呀咁，大型啲會方煙花，今晚去嗰個都幾大㗎，會放12000發煙花！
上年阿TEL去京都嘅時候買嘅浴衣終於派上用場啦！(不過冇戴對屐嚟嘅阿TEL又走咗去買一對，嚟到一個月已經買咗3對鞋啦！！𡃇家伙。。><)

不過上年有專人幫手着件浴衣，今次阿TEL唯有自己嚟啦，睇吓youtube結果又唔係咁難咋喎！(阿TEL話絕對易過用微波爐煮飯喎)

不過近日成日落雨，
結果夜晚雨落得好大，阿TEL件浴衣個尾都濕晒！大家都擔心會取消。

爲咗被雨入咗去食嘢。

終於細咗啲啦啲雨，煙花照樣係7:30開始咗，好在會到8:30，遲咗去都有得睇。

人都幾多。

煙花對香港人嚟講唔係話特別新鮮啦，不過呢度啲氣氛係有啲唔同嘅，大家着晒浴衣之類，朋友話平時冇落雨大家會坐晒喺地下好似野餐咁，周圍又有攤位遊戲同小食，好好玩㗎喎。

散band中

除咗我肯大方露面之外，其他人一概唔想見人^^”