我會盡快寫番佢㗎啦。
多謝大家繼續多多支持！
今日阿TEL放工之後約咗個朋友去玩呀，呢個friend住係大阪，但今年居然已經見第3次！
3月喺香港，5月喺大阪，今日喺東京:)
我地去咗個叫神楽坂（かぐらざか）嘅地方，原來咁近有個咁靚嘅地方都唔知添。
喺河邊嘅餐廳
自己買完攞入去食，夜晚仲有燒烤㗎。
重點係個廣告喎
條街有啲似香港因爲係斜路嚟㗎。好靚嘅小街仔有好多舗頭，而且竟然撞正搞祭り，果然夏天周圍都係大大小小嘅祭典！
又有攤位賣小食啦！
明明係閒日都咁熱鬧！
例牌嘅釣波波遊戲
有架古董單車！
呢度仲有間好新型嘅神社，如果大家睇厭咗舊神社可以嚟呢度睇吓
幾型呀呢度
行完又食過！
波子氣水叫ラムネ，啲燒魚好香吖
燒和牛！成500yen一串><
之後去咗影貼紙相，喺日本呢度仲興緊㗎！而且出咗好多新機！阿TEL影完出嚟都不禁讚嘆原來自己都有靚嘅一刻㗎喎~_~”
不過呢兩個老嘢完全好似未見過世面咁，影完竟然搵唔道去邊度裝飾幅相，到最後搵道已經冇時間搞啦，結果張相就係咁單色。>_<”
阿TEL話都係唔想上鏡啦，所以唔up上嚟啦。
跟住去東京站！
最後食長琦拉麵
^^
夜晚真係好靚！
回覆刪除