day57 10.8.2014 十祭

我復活啦！
對唔住呀，9月真係忙到呢。原全冇時間坐係個電腦面前。
今日係10月6號。搬咗去大阪3日啦。呢啲長細寫到嗰日先講啦。
講返8月10日，今日係十祭！関ジャニ∞嘅10周年con！(點解我要咁興奮呢。-__-'')
事實上又真係興奮嘅，係日本睇con真係好唔同㗎！首先就係因爲抽飛嘅關係，一個位都唔會吉㗎，而且之前講過，去迪士尼啲人都着到成隻老鼠咁嘅話，去con一定打扮晒，攞晒燈呀，uchiwa之類。

不過今日台風襲日，又大雨，而且會場係室外嘅味の素スタジアム,由參晚開始阿TEL已經擔心緊會除消。點知本來一早開售嘅演唱會物品場除消咗！！
阿TEL個樣係咁—> (O_O)！—>(^__^”)
「好彩一早買咗要買嘅嘢咋！」阿TEL超感激地拍晒心口。

講返抽飛呢件事，其實阿TEL唔係fan club會員，所以冇得抽㗎。
買唔到飛就只有買人地抽道再放出嚟嘅。通常都要去yahoo auction只類，最初唔知坐位嘅時候，啲飛大概貴咗兩倍道，知到啲位好位就可以去都天價㗎啦！當然差嘅位有機會平番啲。
難得搵道個志同道合嘅同事一齊去，阿TEL就派靠佢去撲飛啦。因爲唔想比多過兩倍錢。所以令願唔等位出就買飛啦，搏吓都好咁話喎。

好彩都下晝天氣好番啲，冇除消到！

唔係坐arena不過亦唔算係山頂

呢度叫好近啦！當然我又係免費啦！

拿拿，60000人嘅場坐到咁近台，阿TEL你好彩啦！

講番個concert吖，因爲係10周年記念演唱會，所以主要唱返啲舊歌，阿TEL成日播所以我都好熟㗎！中場仲方煙花添呀！真係好正㗎！

唱足3個鐘，又有eight ranger睇，又有煙花。唔識佢地嘅人都應該會睇得好開心！

等年尾con希望有得再去！

追加返睇完con食嘅牛肉飯 :)