一早喺青森有乜好做呢。
我地幾個旅客都分道楊標啦
咁早冇嘢做，等火車去秋田嘅Thomas就介紹我地去食魚生飯。結果我地就一齊去食啦
先買10張coupon，1000yen+税，可以揀10個餸，大部份人都用第一張coupon換個飯先
呢度啲嘢唔係寫幾多錢，係寫幾多張coupon，比如一張3塊咁
好多人食㗎
我地嗰碗完成啦！
Thomas嗰碗好似冇我地碗咁好餸喎
呢度叫古川市場，啲魚好新鮮㗎，嚟青森可以試吓
走啦！呢隻藍色嘢係青森鐵路嘅吉祥物，心水清嘅應該記得噚日Tofu都有一隻，Tofu話佢係佢男朋友喎！哈哈。阿TEL搵道佢同類。就係咁我地就去弘前啦。
有兩日喺弘前，未meet個host之前我地臨時決定轉戰黑石睇吓。
呢度係個靜得好恐佈嘅地方，行咗好耐都冇一個人，外國遊客更加係稀有動物。應該得我同阿TEL兩個。原來呢個有香港1/5面積嘅地方人口係得~34000人！！！(O_O")
呢啲叫『こけし」嘅公仔喺呢度周圍都有，但明明以前都見過好多次，究竟係乜嚟㗎呢。查吓之後發現原來呢個大家喺日本周圍都可能見過嘅公仔係喺江戶末期喺日本東北地區啲長期成日浸溫泉嘅人用木整出嚟賣嘅公仔。呢度黑石仲有好多工匠會親手整㗎。
呢條叫「甲德兵衞町」嘅街係完整地由江戶時代留落嚟㗎！可以不受地震同人爲影響嚟到而家好難得吖
呢啲大廈都好多年㗎啦
食嘢！兩個人serve我同阿TEL兩個，佢地拍烏蠅拍咗好耐啦
呢碗係呢度出晒名嘅黑石炒麪—>黒石焼きそば，係有湯㗎
呢間最出名㗎啦
行行吓有間屋原來入得㗎！個花園幾靚！
好舊啦
連住嘅係間酒廠
青森縣嘅酒
啲機同個室内都好舊但仲用緊㗎，好似回到以前咁
又有三味綫表演，同我地一齊睇嘅全部係日本上咗年紀嘅遊客
吳服係和服咁解
嚟都青森好想食蘋果，但原來秋天先收成，而家剩係得汁飲。
跟住去弘前，呢個都係一個叫做比較大嘅城市啦喺青森入面，面積大概係香港一半，人口就大概18萬啦。你話喺香港點可能可以住得鬆動呀~ ><
今晚個host係一對日本夫婦，因爲佢未放工，所以就搵咗佢個美國朋友嚟車站接我，無獨有偶呢位嚟接我地嘅由係JET program嘅英文教師！！已經嚟咗日本5年，因爲最多做5年，所以佢暫時冇嘢做，不過佢已經林住要喺日本定居唔再走啦，而且識咗個日本女朋友，所以正在搵工。呢個鬼佬又係講日文嘞嘞聲！阿TEL勁唔抵得佢地哈哈 ^^”
第一次未識一個人就去佢屋企，又係一啲好放心唔鎖門嘅人！
呢位叫Michael嘅美國人同我地個host一齊夾band識㗎，仲比我地睇佢地出嘅碟！(O_O)！咁誇張！好正式咁喎！
呢個屋主好似好型咁喎！
睇祭禮啦！其實係青森縣入面同期間有8-9個祭同時進行，青森市嗰個最大，其他其實大同小異，呢個係弘前嘅啲float係平面㗎，今晚落雨仲好多都襟咗膠紙。
已經原全溶入呢度生活嘅Michael仲參加咗抬啲float，第2個就係佢，佢後面嘅就係佢女友。
啲float係會上下郁㗎，睇埋下圖就會明
呢啲腌青瓜好好食㗎，成日食啲祭禮嘅煎炸嘢唔好呀。買吓呢啲食。
啲float上面仲有人添。
平時有兩個鐘嘅祭禮今日個半鐘就完咗，本來大家都以爲係因爲落雨。返到去睇新聞先知原來出咗意外，有個人跌咗入呢啲float嘅入面，個頭夾咗喺嗰啲上下郁嘅位，比人發現嗰時已經死咗，所以個parade特然腰斬咗。呢啲搞出人命嘅意外近100年都冇發生過，大家都好驚鴉！餘下嗰兩日嘅弘前祭都cancel埋添呀。我同阿TEL睇到今晚個祭都唔知係好彩定唔好彩。
完咗大家就走晒入呢間另外一個band友開嘅pub玩啦。
終於見到我地個host啦！格離個女仔就係Mari，Michael嘅女友，而家係弘前大學讀緊醫科。
好啦，又一日啦！
沒有留言:
張貼留言