Day48 1。8。14 (東北之旅day1 秋田)

今日放工要去旅行啦！嚟咗近兩個月都冇去個長啲嘅旅行，一路都好想睇吓啲大祭嘅阿TEL決定要去東北睇日本3大火祭之一，青森嘅ねぶた祭り(Nebuta Matsuri)！
點知check吓先知原來同時間喺東北仲有好多祭㗎，而且個個都為咗呢段時間睇呢啲祭禮，酒店神早就book滿晒！>< 喺7月開始plan嘅阿TEL基本上係一間酒店都搵唔道㗎。。而且因爲阿TEL個visa長過3個月，所以買唔道JR pass，買正價飛去到青森要17500yen (pass 22000 用5日喎！)係銀根短絕兼冇酒店嘅情況吓，阿TEL本來林住真係去唔成。。

好啦，林住搵hostel住啦，點知最近嗰間都成幾個鐘咁遠，唔掂喎。
喺冇辦法之下阿TEL終於決定試吓呢個聞名好耐但冇膽試嘅Couch surfing。
(喺我寫呢篇嘢嘅時候我同阿TEL以經安全返到東京所以大家請放心 ^^)
喺不停尋找與交涉之下我地係秋田，青森市同弘前都搵道地方落腳啦！

至於搵平火車飛就冇咁易啦，因爲火車唔同飛機，冇海鮮價呢會事，空車又係咁嘅錢，旺季又係一樣。喺用唔道手機Suica服務(因爲唔係Android)，join咗JR個club（えきねっと）都冇平飛，又唔想用嗰啲青春18飛搭20個鐘先到之下。。有一日阿TEL行行吓新宿見道嗰啲賣飛嘅舗頭賣新幹綫飛！最終用13600yen買咗張去秋田嘅新幹綫飛。搭4個本鐘由東京去秋田。

因爲而家住宿免費咗，所以阿TEL決定夜晚出發住多晚，咁就唔使徙晒日頭啲時間搭車喇。

啲日本人搭長途車最鍾意食駅弁，基本上係飯盒，但有萬咁多款，一盒盒pack到好似手信咁，大多數係室温咁食唔熱㗎。有啲好出名嘅款仲要一早book定㗎。

夜晚10點我地終於去到秋田，host阿TEL嘅女仔叫Quyen，係個越南嚟讀書嘅學生，佢嚟咗火車站接我地 ^^ (服務仲好過酒店：P)，仲踩單車(阿TEL同我坐車尾)返屋企！雖然話路程唔長，但見佢細小嘅生驅載住我地真係唔係咁好意思 ^__^”

去都Quyen個one room apartment，佢幾個friend原來嚟咗玩！有另外4個越南人同一個泰國人！阿TEL同我心裏都有個疑問，拿，我地冇去過越南，但嗰道唔似係一個咁有錢嘅地方嚟㗎喎！點解個個嚟留學咁開心！佢地最長嗰個已經嚟咗6年，最短就係host我地嗰個女仔嚟咗1年。究竟點解呢！？阿TEL只係想留喺道一年都難過登天咁，點解！？！

就係咁我地就展開咗一個超級難忘嘅旅程。。。

影吓我地張床先，咁就緊係瞓地下㗎咋，但係啲日本人通常都有呢啲futon，所以好舒服㗎。

一間房加廚房同厠所同沖涼房再加個玄関，大過我地東京間屋啦。

Quyen 玩呢個couch surfing都唔係好耐，但佢好好客呀，準備好晒啲英文地圖呀同我地介紹秋田。加上佢班朋友又遲遲未走，估唔到夜媽媽嚟都玩到咁夜先瞓 ^^”