Wataru (同阿TEL) の旅！: Day49 2。8。14 (東北之旅Day2 秋田)

秋田嘅夏天都係好熱㗎。好彩有冷氣機。
秋田県位於本島嘅東北，比最北嘅青森落少少。面積有~11640km2，即係差唔多東京嘅5倍，香港嘅10倍！但人口得100萬人左右，而且一路減少緊！可以想像呢度幾咁空擴！
嚟呢道係爲咗睇竿灯祭り，但阿TEL話佢唔想整係走馬看花咁剩係睇祭禮，一場嚟到都想喺個地方遊玩吓喎，所以喺秋田都留兩整日。
東北有6個縣，包括青森，秋田、宮城，岩手、福島、山形。各有各嘅夏天祭禮。遲啲再講解。

一早起身host煮越南炒麵比我地食！

阿TEL都有回禮㗎，去couch surfing免費住人地度，都係禮多人不怪嘅。

秋田站睇唔睇道呀？

個站都幾大㗎，因爲呢道已經係呢個12000km2嘅地方入面最繁榮嘅地方嚟㗎啦！

冇乜research過嘅阿TEL嚟到呢度先去個tourist centre同啲姐姐傾吓偈，就決定咗呢兩日做乜啦。

買咗巴士飛之後仲有成個鐘，去吓付近嘅千秋公園先。

呢度個荷花池正盛開呀

好靚呀^^

好啦，跟住就去男鹿啦！

男鹿半島係秋田縣嘅臨海地區，由秋田市坐車都成兩個鐘㗎，我地參加咗個有guide嘅巴士團，阿TEL用盡腦汁聽個導遊講乜，仲算學以置用。

先介紹吓沿途見道嘅嘢啦。

巴士飛冇得keep

好似好先進嘅設計嘅大廈，唔記得係乜嚟添，不過同個外貌係冇關系㗎。秋田有好多大廈都係咁嘅頂，因爲呢度個冬天成5個月度，又大雪，所以咁樣就唔會積雪啦。

呢棟個guide好興奮咁介紹嘅就係全秋田最高嘅大廈叫セリオン！得143m高！但個guide係超興奮㗎。(東京鐵塔有333m高)，基本上秋田真係一個鄉下地方。主要都係農業爲主。秋田小町（あきたこまち）米就最出名喇。

呢啲就係啲米田啦。

終於到寒風山啦！呢啲鬼叫なまはげ(namahage)，係男鹿獨有嘅嘢嚟㗎，遲啲再介紹。

呢個係一個微微嘅山丘，得355m高，但成個都比小草覆蓋，又看到海景，都幾值得嚟

呢度下面係日本海。

吖，呀guide姐姐仲好興奮咁講話今年秋田終於開第一間7—11！

其實一個地方咁大，真係好難度度都咁篷勃，係亦都唔係好事。會冇晒呢啲咁靚嘅地方。所以都可以理解嘅。個guide話，2009年嘅時後秋田縣有130萬人口，到今年得番100萬人，除咗因爲日本少子化同人口老化之外，就係啲後生嘅人搬晒去大城市住。佢不停叫大家搬去秋田住 ^^” 所以我地突然明白啦，點解host阿TEL嘅越南人同佢嗰幾個friend都會攞道日本政府嘅full scholarship 嚟呢度讀書，仲有生活津貼，令佢地可以一直讀一直讀。秋田大學本來係一間專讀關於採礦相關嘅學科，所以佢地幾個都係做緊呢類research，例如呀Quyen就研究緊温泉水入面嘅礦物。Quyen話喎，佢嘅日本人同學只得幾個，因爲日本新一代人根本對呢啲嘢冇興趣，就好似香港咁，我相信都幾乎冇人讀呢啲科，話者根本冇得讀添。。所以日本政府比咁多錢外國人嚟讀書同生活。

講太多啦，繼續行。去到なまはげ館，呢度有廟有博物館好多嘢睇㗎。

呢度係真山神社

又有Namahage 啦！一陣就講係乜！

有條森林小徑，呢棵樹已經超超老要好多柱附住。

究竟乜係namahage呢，就係頭先見道嗰啲鬼喇。

佢地有兩隻，一隻赤鬼，一隻青鬼。係男鹿獨有嘅人物嚟㗎。呢度從N年前就有一個傳説關於呢兩隻鬼，但傳咗咁耐已經有N個版本，而家最多人講嘅就係呢兩隻悪鬼以前會走入啲村度搶農作物呀，靚女之類，之後有個村民同啲鬼打賭，如果佢地一晚間起道1000級樓梯就會如佢地所願奉獻比佢地，如果失敗佢地就要離開。喺呢兩隻鬼起到第999級嘅時間，呢個村民就整到隻雞啼，啲鬼以爲衰咗就走蛤唔頭喇。

雖然係咁，呢度每年新年有個傳統，就係啲鬼(扮鬼嘅人)會走入續家續戶搵啲曳嘅細路同唔聽話嘅妻子，叫佢地努力讀書同要相夫教子，呢個時候個男主人就要走出嚟話比啲鬼聽啲屋企人好乖，跟住俾啲酒同食物啲鬼請佢地走。