我係阿TEL，今日要自己寫blog啦。。(因爲某種原因。-__-)
估唔到隻wataru而家先寫到8月中。嚟睇blog嘅人應該冇晒癮啦。^^"
好啦，快啲寫埋富士山第2日。
嗰日一早就要起身啦。1:30am。冇得賴床，職員開晒燈要大家執嘢。
侵晚大家超逼咁瞓，個膊頭要屈向前咁瞓真係好難，所以最後調轉咗個頭瞓，對住啲腳仲好瞓啲。
呢位小姐(同好多冇攝入鏡嘅小姐)都係道化粧！我真係唸都冇唸過！O_O
但後尾我就發覺佢地係口岩㗎！！
最後因爲同行朋右有啲頭痛唔舒服，兩點半我地先開始行。
好在我地住係8。5合目！
大把住喺低啲嘅人應該早1，
2個鐘就起身行啦，所以超多人！大家都趕上山睇日出！
靠大家啲頭燈先睇道路
到啦！！趕得切！我地4點幾喺呢條冇得停嘅人龍中喺未日出前上到山！
啲雲海超靚
山上嘅小舗。見唔見大家着晒羽絨呢。因爲真係超凍！
大家霸位睇日出
嚟啦嚟啦！！！嗰一點就係御來光！
照到啲嘢幾靚！
成件事真係發生得好快！更顯得佢嘅珍貴！
其實咁大個女第一次睇日出，一直以來都唔係浪漫嘅人，冇唸過會咁感動！可能因爲真 係要唔少體力同信念先上道嚟，所以都有啲感動落涙！..>_<...
呢個就係點解我後尾覺得啲日本女仔化晒粧係岩㗎啦！因爲經過呢兩日個樣真係殘到呢。難得上到嚟都影唔道一張靚啲嘅相好可惜㗎嘛。
上到山頂唔洗即刻落返去㗎，上面都好多地方行，呢個就係富士山頂
中間個火山口啦！
仲有個山頂郵局。寄出嘅明信片會有富士山頂嘅印㗎！之前如果知一定問定晒啲friend攞地址，畢竟嚟過日本嘅人差唔多100%，就咁寄張postcard冇乜意思。喺呢度寄就唔同喇！大家如果要上嚟就記住啦。
最終淨係寄道比自己同屋企人。
凍到腳都痺！貴一貴都要食番碗熱嘞嘞但冇肉嘅拉麵，承惠900yen
但喺3776米食道拉麵真係冇計啦~
行吉田路線嘅話落山喺第二條路嚟㗎，冇咁多岩石但好多沙石好「煽」都唔易行
就係呢啲路。行到膝頭都痛。行到中途發然秘決係要行得快！喺未煽道之前另一隻腳要交替，咁就得㗎啦。
鐘於喺11幾落到5合目。2嗰幾鐘度。
之後做乜好？行完山緊係浸温泉啦！到咗河口湖啦！
我地幾個攰到死，飲完杯welcome 茶再沖個涼浸個温泉就瞓晒覺。等另外兩個friend嚟。
集齊人就緊係食番個豐富嘅懷石料理！
辛苦過後果然有回報㗎！
(—＿—)
至於點解我要自己寫blog。
最近回港幾日參加朋友婚禮，返嚟嗰日先執嘢嘅我竟然留低咗wataru喺香港。 (u_u)
好彩媽媽已經寄緊過嚟比我。
但一日未能同wataru重聚個心都好唔安樂。。
冇咗wataru，終於感受到一個人流落異鄉嘅寂寞。。
wataru你而家喺邊呀。快啲到啦 (.. >_<...)
沒有留言:
張貼留言