Day55 ８．８．２０１４

我承認。我係有啲懶。不竟今日已經係9月7日，我先寫緊8月8日嘅嘢。><
但係！大家都要體諒我真係好忙㗎！你以爲阿TEL同我成日宅係屋企對住部電腦咩>< 阿TEL成日戴我周圍去，做model都好攰㗎嘛。。。
不過我會加油㗎！！
講開又講，最近得到唔識嘅人留言，仲讚咗幾句，難免有啲飄飄然，唔通我有機會走上作家嘅路！？(^-^ )唸起都興奮。 (阿TEL話嗰個人仲讚佢影啲相靚，唔好以爲我威晒喎 (6_6 ")

8月8日，係一個非常大嘅日子(呢句嘢係阿TEL逼我寫嘅。) 事原今日係関ジャニ∞之日。
如過大家唔知係乜，我覺得係冇所爲㗎。
但對於係Eighter嘅阿TEL
點都要慶祝下喎。
事原今年係関ジャニ∞ 10周年，除咗平時年尾嘅concert，無端端多咗個叫十祭嘅特別活動。比阿TEL撞中啲咁特別嘅日子係日本，基本上同撞上真命天子一樣咁感動喎。所以點都死咗張飛番嚟。更難得嘅係阿TEL而家做嘢嘅地方個秘書都係Eighter！所以佢地會一齊去。
不過唔係今日喎。
今日要做嘅係，爲去十祭前先去買goods
點解要早兩日去買呢，事原係因爲當日要買嘅話，係要排幾個鐘㗎喎~
所以放工之後特登走到去飛田給（とびたきゅう）嘅味の素スタジアム。


大條道理話唔會亂買嘅阿TEL
最終係買咗:

咁多嘢㗎。

跟據阿TEL，因爲呢啲嘢係冇得再買道㗎喎，同一般去shopping唔同可能遲啲會見到更好嘅嘢係唔同㗎，所以買係理由好充份㗎喎。

想做嘅嘢點都會有理由。

再同秘書姐姐食個好好味嘅飯又一日啦。