最後一日啦！一早起身搭3個鐘巴士去仙台。
仙台喺宮城縣，係日本5大城市之一。之前去秋田嗰個叫大家搬去秋田嘅人就講，當秋田嘅人口不停跌之時，仙台就升緊，果然大家都被方便嘅大城市吸引。
搭巴士又會停吓喺啲service area，有時有啲又大又靚又有嘢玩㗎。
好似我同阿TEL第一次見嘅地方，就係瀬戸海峡嘅其中一個service area喇！
影吓相食吓嘢，3個鐘話咁快過。到咗仙台啦！原來仙台咁城市㗎！
嚟呢度爲咗睇七夕祭。但佢唔同之前啲祭，其實係周圍掛晒啲七夕裝飾，所以隨時都睇到。
玩到最後一日已經冇晒錢嘅我地，(因爲鄉下地方冇地方撳。><)，竟然比我地見到派飯團！食番個頂肚先。
啲七夕裝飾就係呢啲紙製嘅一條條好長嘅掛飾啦！
雖然型態大至一樣，但有微妙嘅分別㗎
啲detail位
話晒係祭禮，緊有啲嘢玩吓。
有funnashyi 呀！！
呢啲裝飾都係啲舗頭整(or搵人幫佢整)，所以有舗頭嘅特色。例如呢個就係機舗。
呢間賣玩具。
綠色阿TEL最鍾意 ^^
呢個木製㗎！
呢個彩虹色嘅攞獎㗎！
呢個係賣音樂嘢嘅
撳道錢啦！食條菠蘿興祝吓！
近住搭咗㗎巡環巴市遊吓車河，因爲今晚要走，所以冇時間落車慢慢睇
點知有個嘉年華！
得阿TEL同我，本來唸住入唔到餐廳食嘢冇得試牛脷，點知嘉年華會有，而且又平又好食！
周圍都賣牛脷
呢個蘇皮燒魚餅都超好食！
支持吓石巻市出品
有木偶睇
仙台嘅特產「笹かまぼこ」(sasa kamaboko)，即係似呢個sasa 樹嘅魚蛋串
呢啲街仔都好有特色
臨走都仲有
仙台同我想像好唔同，東北最後一個去嘅地方，原來已經係一個城市。不過呢度好靚，睇唔到之前大地震嘅痕蹟。可能係我地冇去到嗰度啦。留喺呢度太短時間，一日都冇就要搭新幹綫返東京啦。遲啲一定要再嚟！
返去嘅火車，經過福島仲停咗幾分鐘上人。
阿TEL識得好多人都因爲輻射唔敢去日本，去東北甚至福島更加唔洗唸。今次我地去東北，由於冇真正踏足地震受災地所以冇見道地震嘅影響。不過睇電視見道好多受災地啲人都仲係住緊臨時房屋，有好多地方人口少咗好多。仲係好慘咁。阿TEL話佢有時會唸，呢啲人，都係咁過啫，唔通日本啲人全部死晒佢咩，點都好啦，心口寫個勇字嘅我地一於好少理啦！輻射啫又唔係子彈，即管射過嚟啦(>o<")
對於今次嘅旅程，真係大滿足！唯一美中不足就係阿TEL後悔冇去晒六個東北嘅縣，之前覺得交通費太貴所以剩係揀咗3個去，而家真係揼心啦>< 一定要再去過！！！
沒有留言:
張貼留言