我地要登上日本頂峰！富士山！
得我同阿TEL行點都有啲危險嘅，難得香港嘅朋右嚟咗，我地就一齊去喇！
先坐巴士去富士山五合目。
富士山喺山梨同靜岡中間，啲鄉下地方幾靚！
搭咗個幾兩個鐘終於到咗五合目啦！大部份登山人都係喺呢度開始登山㗎。當然如果你體能好好，可以由山腳開始啦。
呢度都有個小神社，咁岩又有啲儀式舉行緊。
唔係我地抽到嘅大吉簽，不過粘啲運氣先上山
呢度又有舗頭又有神社，整係觀光都唔錯㗎，搞搞吓我地都晒咗好多時間都未出發。係時候行啦啩。。。
行之前又話要食番餐勁㗎喎。
阿TEL你究竟係唔係行㗎。。。不過呢個富士山咖哩超好食！
行啦行啦！開頭唔想行嘅話仲可以坐驢仔添。
阿TEL拿住部重一重嘅相機話要影靚相。佢真係當郊遊咁，遲啲你就知。。。
1200中午，終於開始行。又毛毛雨、又大霧，開始咗我地嘅登山旅程。
我地行嘅叫吉田route
有4條路可以揀，一般最多人行，尤其係冇乜行開山嘅人或者第一次多會揀黃色條吉田route，呢條係最多平路同埋最簡單㗎啦。一直到六合目都平平地，七合目開始都唔少岩場。一路行都比較多休息地方，亦有救護站。富士山3776m高，吉田route由2300m開始行。算係比較高先開始嘅一條。唔少冇唸住要行到上頂嘅遊人都會行吓呢條吉田路，去到六合目度就行返轉頭。
紅色嘅須走route就比較難喇，綠色又再難啲，藍色就幾乎由頭到尾都喺度扒岩石。
詳細大家自己睇呢度啦: www.fujisan-climb.jp/index.html
開頭仲有興至影相嘅阿TEL話影咗幅超滿意嘅要我post上嚟。
行行吓就冇晒呢啲樹變晒光頭山㗎啦
由於係日本嘅長假期都唔少人行
一路落住毛毛雨咁行，除咗啲霧幾乎乜都見唔道。
掛住部大機喺個身度fing吓fing吓開始好阻掟，所以轉咗部細機影。終於行到七合目！開始難啦！
呢個係上富士山嘅定番記念品，基本上係一條木，買咗之候就可以去到各個小屋度級印(啲印係燒上去好型㗎)啲印大概200-300yen一個。條木有啲長嘅仲可以當行山竹用㗎！阿TEL買條短嘅方便收藏，不過就冇咁多位級印喇。
終於開始好天！其實係因爲啲雨雲以經全部低過我地。
唔信，睇吓！啲雲全部係腳底！
真係好靚。
用啲傻瓜機嘅奇怪function就出現啲咁嘅奇怪相 >_<”
行到5點幾終於到八合目！一路上其實開始越來越少人，因爲係各合目都有宿可以停低休息同過夜。我地揀咗喺最高嘅宿喺8。5合目過夜，所以遲遲都未到。
呢啲就係啲小屋
不過越上真係越靚！雨後仲見道咁嘅奇景！到轉嘅彩虹！><！
啲路真係扒吓行吓咁。幾辛苦。雖然3776m有高山症嘅人唔多，但機會都係有㗎，亦有唔少人會有少許高山反應，例如頭痛之類，所以途中唔少人買啲氧氣吸吓。通常啲人話冇乜做開運動嘅人會冇事，阿TEL亦極其信任呢句説話，所以原全唔驚咁話喎 -__-”
乜行極都係呢度。。開始越嚟越斜，行極都差唔多位。
行都夜媽媽。泄晒氣嘅阿TEL同佢朋友Josephine，一路上停低食咗好多小食，臨尾呢段石級都仲要食排朱古力！
7點終於到啦！我地住嘅小屋叫御來光館！係離開山頂最近嘅宿！喺呢度就算唔再行上頂都會見道日出，所以叫「御來光」（ごらいこう），即係日出，但呢個係特別比富士山日出嘅名，平時嘅日出叫「日の出」
上到嚟，又夜又攰，有熱嘞嘞嘅嘢食，仲要係好食！真係開心！^^
呢啲全部係比較遲嚟嘅人，有好多以經食晒嘢瞓緊覺。
我地都比啲職員摧快啲執嘢瞓啦，嚟得呢間宿嘅人都係唸住要睇日出，所以聽日(應該話零晨1-2點)就要出發，所以8，9點唔瞓就冇氣力㗎啦。
呢度喺頭先食嘢嗰度，職員舗晒啲床鋪出嚟，逼到呢！基本上一個人得30cm闊度嘅位。
再講吓呢度嘅環保操施啦，話晒以經登上世界遺產榜嘅富士山，一定要做好環保。所以呢度用特別藥粉沖厠，亦唔可以用任可清潔劑洗手刷牙。所以唔好唸住嚟到宿舍要沖個靚涼之類，女士我提意戴抹面紙，但記住所有垃圾都要自己戴走㗎！
啲袋掛晒上去
瞓啦。(咪以爲我冇行過就唔攰。)早唞啦！
沒有留言:
張貼留言