草間弥生嘅作品。
見唔見道條罅有個南瓜吖！
我地冇時間入去睇，但出面都有啦。
頭先睇到秋田市内冇乜觀光位。
請容許我展出呢將阿TEL千身萬苦影道嘅一張相。
冇錯，就係秋田嘅Aeon，呢道距離秋田市中心係都幾遠㗎。爲咗嚟呢度阿TEL係搭咗3200yen的士嚟㗎。究竟呢間阿TEL係香港屋企樓下都有嘅Aeon有乜咁吸引呢。。睇落去就明㗎喇。
事緣我地期實係想去個叫角館嘅地方。
角館同秋田市中心係有一段距離㗎。坐新幹綫都要40分鐘，承惠3220yen。(如果有JR pass就唔使再比錢啦)但冇嘅阿TEL，覺得來回6400yen實在太貴啦，所以就想搵個平啲嘅方法。點知原來逢星期6，日都有架巴市會去角館，一班去一班返。冇得預約，要準時去等，爲咗坐呢㗎1200yen一程嘅巴士我地早15分鐘9:30去到巴士站等。點都估唔到，以經有成大條人龍！仲係個個係後生仔女！！阿TEL知道而家係學校假期，但點都估唔道啲後生仔會對角館咁有興趣！話晒角館都係個睇舊武士屋嘅地方。不過先排隊冇死啦。阿TEL仲問咗句前面個女仔係唔係排緊4號綫，佢搭係喎。
條隊越嚟越長！當阿TEL林緊㗎巴士點裝得晒嘅時候，一㗎好細嘅巴士就嚟咗喇。前面寫住「角館」，因爲太多人阿TEL林住自己實搭唔到呢架，係唔係要等第2架嚟呢。。條隊冇乜郁過之下，阿TEL望住㗎車係9:45am準時開咗。
終於覺得唔妥嘅阿TEL即刻問多次附近嘅人佢地係唔係去角館，佢話「唔係」(O_O) 死啦！
等咗15分鐘最終都冇上到呢架一日一班嘅車！！！(O_O)！
係情急之下阿TEL即刻去問個職員，佢話角館巴士下個站係Aeon，呢條長長嘅隊嘅人正等緊免費shuttle bus去Aeon！但要10點先開，趕唔切下個站喎。(架角館巴士10：10分係Aeon開出)，憑住阿TEL腦裏對巴士站與站之間嘅距離嘅認識(香港喎！)佢竟然跳咗上㗎的市林住追去下個站。
我講到呢度估計大家都估道，呢個Aeon原來係好好遠㗎。一路摧個的市司機行快啲嘅阿TEL一路問幾時到，當個的市司機話比阿TEL聽去Aeon個標起馬跳到3000yen時，阿TEL心裏一沉><
3000yen，如果趕到㗎巴士都仲要俾1200yen搭巴士，不如一早搭火車又快啲又平啲。><
終如我地係10:07分到Aeon，埋單3200yen，冇時間喊嘅阿TEL即刻喺呢個超大嘅地方搵個巴士站。當搵道嘅時候已經係10:12分。-__-" 而且呢度係一個普通巴士站，㗎車見冇人就會走嗰種，唔甘心嘅阿TEL再喺度等多10分鐘，終於都要放棄。。
用咗3200yen搭的士去Aeon嘅故事就係咁。
唔通要行Aeon過一日！？呢度咁遍僻根本度度都去唔道。唯有林方法返火車站先算。
好彩嗰㗎shuttle bus會兩邊行，仲係30分鐘一班，總算平安免費返到去秋田站。不過已經係11點幾啦。死死氣去買新幹綫飛嘅阿TEL，學咗兩個好重要嘅教訓。1係日本嘅中學生係信唔過㗎。佢地亦唔會咁好興至睇歷史文物，佢地只係想去Aeon。2就係日本坐的士係好貴好貴㗎，上車前一定要問大概幾錢。(-___-)
終於用咗6400yen同3個鐘，我地去到角館。。。
好啦嚟到啦，阿TEL叫我唔好再提佢啲傷心事喎。可惜我已經寫得好清楚睇你呢世都唔會忘記！哈哈哈哈 ><！
呢度又真係幾靚喎
由火車站行去啲武士家都要20分鐘㗎。呢啲屋日文叫武家屋敷（ぶけやしき）。
呢度係元和6年(1620年)完整咁遺留落嚟嘅城下跡。位於古城山嘅北面，有80戶武家屋敷同商家350戶。呢近400年頭一直保存住原貌。好古色古香。
呢條燒過嘅米係秋田嘅鄉土料理，叫きりたんっぽ(kiritanppo)如過唔係上面啲味噌基本上係得米味，但秋田米好彈好有咬口都唔錯㗎。
洋式舊博物館
好啦，入吓啲武家屋敷睇先，呢間叫石黑家，係遺留落嚟最舊嘅一間武士家
以前啲裝飾雕刻啲窗幾靚！
日本第一本Anatomy書係由呢啲武士研發出嚟。
舊醫學用具。
阿TEL叫我放大呢張相show吓佢部相機嘅本令喎
入第二間屋啦，呢間叫青柳家，入面都係睇啲武士以前啲家具呀，書呀，衫呀之類。
呢間好大㗎
有啲唱片收藏！不過係再過幾代嘅人嘅嘢，唔係啲武士。
呢㗎係呢度嘅祭禮parade嘅車嘅展品
阿TEL好滿意作品之一
之二
其實呢度好大㗎，不過由於今朝嘅事件我地少咗好多時間行，如果要搭㗎1200yen巴士走3:30就要走啦，所以喺道嘅時間少過3個鐘。呢度仲有好多嘢可以睇㗎，我地又冇時間食呢度出名嘅烏冬！喺春天桧木内川(ひのきないがわ）兩旁仲會開滿櫻花，唯有希望第時再嚟過啦！
今次冇再miss咗㗎車嘅我地，平安喺5：15返到秋田市。
好啦，今晚終於開始睇第一個祭。竿灯祭り！
同Quyen同佢啲朋休，再加個今晚會一齊surf喺Quyen屋企嘅Edwin(移民紐西蘭嘅香港人)meet up咗之後，我地就一齊出發去睇祭啦！
先去食個秋田先食道嘅甜品，ババヘラ
佢哋會砌到啲好似sorbet咁嘅嘢好似玫瑰花咁樣，不過味就麻麻喇
準備啦！
啲人又着晒浴衣，後面啲位要俾錢book先有得坐㗎
開始啦！
啲撐燈嘅人入場啦。
小朋友都唔少㗎
等我解釋吓竿灯祭り做緊乜啦，呢啲燈籠會用一枝長長嘅竿串埋，跟住啲人就會用各種方法撐起佢，一陣有相睇。
打鼓唔少得！
開始撐啦！呢啲小型嘅喺小朋友撐嘅，大嘅有50-60kg，細嘅就5-10kg度啩。
唔係一個人撐到尾㗎，呢度成班人就係等換更
大人一隻手撐起佢、仲要平恆，好難咁
用膊頭又頂得
呢啲燈籠全部係點真火㗎
靚仔喺面前出現！阿TEL啲friend超興奮！
冧落嚟啦！！其實都幾危險㗎，所以呢條街係冇高掛嘅電綫㗎(平時日本好興啲電綫掛晒出嚟，因爲佢地容易地震所以電綫少有喺地底)，嗰幾條纜係特登掛喺度撐住跌落嚟嘅竿燈，等佢地打唔到人。
用腰頂住
拿，前額頂住又得
完咗一節大家就會休息吓，鞠弓呀，然後打橫攞住啲燈繼續行，去到下一節指示又再撐過。
不過呢個係最後一節啦。
肥叔叔同我影相！
靚仔哥哥都同我影相！！！><
大家仲可以試下撐啲燈！阿TEL都試咗，不過叔叔唔敢放手吖哈哈。
完咗大家一齊去Quyen屋企食嘢！
咁就完咗秋田兩日遊啦！
雖然有大頭蝦時候，但真係超開心，住係呀Quyen度又有人傾吓偈，又可以瞭解吓呢度啲人嘅生活，睇咗我地第一次嘅大祭，大滿足。之後嘅旅程會點呢。大家繼續睇落去啦 ^^
現場睇一定好正！
回覆刪除又失蹤㗎。。 。
回覆刪除