不過寫一編有内容嘅blog比想像更花時間，好似上一編咁，寫咗一個鐘以上㗎，所以update得比較慢 ^^" 好彩阿TEL都係咁嘅人所以唔怪我。
好啦，講番呢個東北之旅，今日要離開秋田去青森啦，嚟到東北之後見道個介紹「五能綫」嘅單張。條路綫係咁嘅。
會沿住日本海行！呢㗎唔係乜嘢特急，所以會好慢咁係度俾你一路睇風景一路行。條鐵路係由東能代去到川部。我地由秋田上車，青森落，因爲五能綫一日得3班，而最早嗰班已經滿咗，我地好ギリギリbook到第2班車嘅最後一個位！好彩！果然呢段時間好多人去青森！
所以今日嘅主要行程係坐火車！由10:47am坐到4pm先到。 (其實地圖上有條灰色綫叫奧羽本綫，可以3個鐘度去到青森，大家如果冇興至同時間坐咁耐都有第2個選擇㗎) 不過其實日本有好多呢類專for遊車河嘅火車，好似我同阿TEL咁冇plan冇時間限制不防試吓！
感覺係咁啦。當然張相唔係阿TEL影啦。
就係呢3㗎火車行呢條綫喇！
張飛印咗個路綫㗎
個位闊到呢。。雖然我話過剩番一個位，但啲人喺唔同站上落，所以有時係勁吉㗎。好似而家咁，我地每人坐2個位。
搞乜！？原來中途會停站然候大家可以落車玩吓！呢個叫能代嘅地方話係basketball嘅街喎，所以落車可以射吓籃，射中(阿TEL係射中咗㗎 ！竟然！) 嘅人仲有呢度啲木製嘅特別postcard！
仲有得shopping吓，好過癮！
就係咁10分鐘度又上返車再行過啦。
今日天氣唔係超好，不果都好靚！
車入面係咁㗎，啲窗係超超大㗎。
幾闊落 ：)
跟住好多奇型怪狀石頭睇
又停啦！呢個叫千畳敷嘅地方喺正個海邊，好多人仲去買番個魚生飯食下添！
我地影下相夠啦。
上返車冇耐仲有三味綫表演！
跟住停埋呢次啦，一個叫五所川原嘅地方，呢度其實已經係青森縣入面，呢道都有自己嘅特別版ねぶた祭り、啲公仔係特別高㗎。
我地冇林住嚟呢度睇所以影吓相啦
呢道嘅Neputa matsuri仲有個漢字寫法，而且加長咗，叫Tachineputa matsuri。
終於到川本啦！要係道轉車。拜拜啦我地搭得好開心嘅火車！
五能綫終點，搭咗147km137m
再搭多陣就到咗青森市啦，話晒都係青森最大嘅城市，都幾新穎呀
祭禮未開始已經有其他活動一路搞緊
我都食番啲平平祭禮食品頂肚，呢條係mochi魚蛋條。
開始前個幾鐘啲人已經霸晒位等睇啦
今次唔係着浴衣係着呢啲特別衫，着咗就可以參加個parade㗎啦！
好多小食店呀！
開始啦！見唔見啲人喺個float下面呀！
好大㗎！
着咗件衫就可以走出去一齊"跳"㗎啦！聽聞開心好多㗎！阿TEL得一條友攞住一抽二lan所以決定剩影相算啦。不過如果再嚟一定要跳！好爽咁㗎！
就咁睇可能覺得全部差唔多樣，但後尾Tofu話比我地聽原來個theme永遠都係一個忠一個奸咁嘅設計，睇清楚係有微妙嘅分別㗎！
好似工展會小姐咁，呢啲係Nebuta matsuri小姐
因爲有啲雨，唔少float都包咗膠紙。
啲float會轉㗎！靠啲人喺下面轉。
着晒全裝嘅姐姐同我合照
完咗我地就meet up今晚個host啦。喺佢屋企識咗勁多friend！
佢間屋勁大，一晚host4個人！
阿TEL同另外一個由阿根廷嚟嘅女仔瞓廳。
張相我影㗎所以冇我><
阿TEL識咗呢幾個人一晚咁大把，雖然稱唔上係朋友，但喺各位身上都學咗唔少嘢！
後右2嘅女仔係host ，佢叫Tofu，喺美國讀完啲數之類嘅科畢業，搵咗份好勁嘅工，22歳已經買咗間屋！但佢覺得咁樣嘅生活冇乜意義，所以隻身嚟咗日本教英文，話咁快就2年。佢家姐都嚟埋仲嫁咗個日本人添！Tofu個人好simple，唔鐘意物質，好多嘢都係人地比嘅。佢仲由12歳開始食素。佢話喎，有日要離開日本嘅話，佢只得一袋嘢要戴走。型！
後右1嘅女仔係由阿根廷嚟，喺大阪讀緊大學，嚟咗3年啦！日文英文都嘞嘞聲！佢仲型！背住個tent林住周圍札營去旅行！！
其他兩位都係由 加拿大嚟嘅英文教師，女嘅嚟咗2年，男嘅5年啦，女嘅就嚟返 加拿大，男嘅已經環遊日本第二次！佢林住遲啲搬去東京開自己嘅英文學校喎。
係渾渾人海中可以認識道，聽吓唔同人嘅故事，就係一個人去旅行最棒嘅嘢啦阿TEL話。
so jealous
回覆刪除海邊行嘅火車真係好正
回覆刪除